Калядныя сустрэчы працягваюцца

Напярэдадні Новага года  і Раства ў санаторнай школе-інтэрнаце стартаваў праект “Калядныя сустрэчы”. Школу наведваюць шматлікія творчыя калектывы, каб павіншаваць дзяцей са святамі.

Шмат уражанняў засталося ад сустрэчы з групай маладых людзей з Мінска, якія займаюцца капаэйрай ( як варыянт вымаўлення —     ҆капуэйрай  ҆). Зусім нядаўна, 26 лістапада 2014 года, капаэйра атрымала статус культурнай спадчыны ЮНЕСКА.

Для тых, хто ўпершыню чуе аб капаэйры, растлумачу, што гэта нацыянальнае бразільскае баявое мастацтва, якое спалучае ў сабе элементы танца, акрабатыкі, гульні і музыкі.  У спартыўнай зале школы вучні засвойвалі прыёмы бескантактнай барацьбы-гульні, “змагаліся” з капуэйрыстамі і паміж сабой, спявалі па-партугальску песні ў суправаджэнні берымбау (інструмент, які нагадвае лук з рэзанатарам) і атабаке (высокі афрыканскі барабан ). Атрымлівалася спяваць не таму, што ўжо такія знаўцы партугальскай мовы,  проста  воклічы ў песнях вельмі лёгка запамінаюцца.  Паўтары гадзіны актыўнага адпачынку і пазітыўнага настрою! Аж расчырванеліся тварыкі ў вучняў, а вочы свяціліся непадробнай дзіцячай радасцю. Дзякуючы капаэйры далёкая Бразілія стала для нас крышачку бліжэй. А на развітанне дзеці сфатаграфаваліся з гасцямі на памяць.

 

Як кажуць, паважай чужое, але не грэбуй і сваім. Я гэта к таму, што падчас “Калядных сустрэч” не абмінулі ўвагай і беларускае народнае мастацтва. Да нас у госці завітала этнагрупа “Горынь”, з удзелам якой у апошні час у Беларусі ладзяцца беларускія народныя святы ў аўтэнтычных умовах. Як распавяла спадарыня Наста Глушко, кіраўнік і натхняльнік этнагурта, спяваюць яны каляндарна- і сямейна-абрадавыя песні акапэльна, як першапачаткова і рабілі нашы продкі.  Удзельнікі гурта не толькі захоўваюць народнае песеннае мастацтва, але і адраджаюць беларускі нацыянальны касцюм. Дарэчы, і ў нас горынцы выступалі ў адмысловых касцюмах, зробленых сваімі рукамі.

Этнагрупа “Горынь” – гэта аматарскі калектыў, у якім сабраліся людзі розных прафесій. Наста Глушко, напрыклад, мастак, а яе каляжанка (на жаль, не спытала імя) архітэктар. Усе яны аб’яднаны агульнай ідэяй прапаганды нацыянальнай культуры, у тым ліку і ў дзіцячым асяроддзі, таму і зладзілі для нашых  вучняў калядную праграму: паказалі ў батлейцы казку пра гісторыю Каляды, правялі калядны абрад з казой , мядзведзем і цыганкай, прадэманстравалі гранне на дудзе, і ўсё, зразумела, суправаджалася каляднымі песнямі.  Вучні былі ўдзячнымі слухачамі і гледачамі , а пасля прадстаўлення забаўляліся з батлеечнымі лялькамі, вучыліся іграць на дудзе, танцавалі і дужаліся з “мядзведзем”, гладзілі  “казу”.  Відаць, на генетычным узроўні мы ўмеем успрымаць сваё. А каб так было  заўсёды, і шчыруюць не ніве беларускасці такія калектывы, як “Горынь”.

Ноябрь 2017
Пн Вт Ср Чт Пт Сб Вс
     
 12345
6789101112
13141516171819
20212223242526
27282930  

Четверти

Расписание четвертей 2017/2018 учебного года:

I четверть – с 01.09.2017 г. по 28.10.2017 г.;
II четверть – с 08.11.2017 г. по 23.12.2017 г.;
III четверть – с 08.01.2018 г. по 24.03.2018 г.;
IV четверть – с 02.04.2018 г. по 31.05.2018 г.

Каникулы

В 2017/2018 учебном году устанавливаются каникулы:
осенние – 10 дней с 29.10.2017 по 07.11.2017;
зимние – 15 дней с 24.12.2017 по 07.01.201 ;
весенние – 8 дней с 25.03.2018 по 01.04.2018;
летние – 92 дня с 01.06.2018 по 31.08.2018.